Salin ng tula ni Abbas Beydoun ng Lebanon
Salin sa pandaigdigang Filipino ni Roberto T. Añonuevo
Mga Pangarap at Patatas
Abbas Beydoun
Ipinasok nila ang isda sa hurnó at niluto.
Binunot nila ang mga pangarap mula sa lupa.
Dito na ang mga tao ng balón ay nangaglaho,
naglaho rin ang iba pang sinundan ang bakás ng ibon.
Naghukay kami para sa mga panaginip at patatas
at dumaklot ng mga pumupusag na isda.
Kumain kami ng maraming lihim at libong bukál.
Hangga’t gapiin kami ng labis na pagod o pagtanda,
hindi kami mababahala kung maglaho man ang lupain
sa aming paningin.
Stop weaponizing the law. No to illegal arrest. No to illegal detention. No to extrajudicial killing. Upholding human rights is beneficial to all Filipinos!
Alimbúkad 
Totoo po na giliw na giliw ako sa pagbabasa ng mga tula na isinalin/iniliwat sa Filipino mula sa mga tulang banyaga. Maraming Salamat po.
LikeLike
Eliseo, marahil ay panahon na upang tulungan mo ako sa malawakang pagsasalin. Kung naibigan mo ang mga salin ko, mabuting pag-ibayuhin mo rin ang pagsasalin o kaya’y pagkatha ng mga orihinal na akdang Filipino.
Tungkulin nating lahat na magsilbi para sa ikauunlad ng ating Filipino. Huwag na tayong umasa pa sa gobyerno.
Hinahamon kita sa malawakang himagsikan sa himpapawid, sa ngalan ng ating wikang minamahal na patuloy na umaalimbukad.
LikeLike