salin ng dalawang tula ni Basuki Gunawan ng Indonesia
salin sa Filipino ni Roberto T. Añonuevo ng Filipinas
Mahál
Oo, alam kong
isa kang dalóm sa pusod ng dagat,
ang pook na ang pinilakang isda
ay tinitighaw ang gutom sa oras at espasyo
hanggang ang matira’y mga takupis na nakakálat.
Paruparong Takipsilim
Mga labì mo’y malambót at basâ
gaya ng basahang pansahig na kinuskusan
ng libong talampakang natutuwa
sa pagpasok sa silid ng kalibugan
na ang mga dingding ay tinatakpan ng alikabok
at ng alikabok lamang.